Isa ka concerned citizen ang nag report sa 4th SOU Philippine Maritime nga may mga “Taklobo” ukon Giant Clams nga gina tipon sa gwa sang balay sang isa ka residente sang Sitio Ondol Pasil, Barangay Cayhagan sa Sipalay City kaina sang aga.
Gilayon ini nga gin respondehan sang tropa sang 4th SOU-MG sa pagpamuno ni PMaj Don Archie Suspeñe, Sipalay PNP kag Bantay Dagat kag ila naabtan ang nagkalain lain nga sizes sang preska kag patay na nga mga Giant Clams.
Gina bulubanta mga 7,000 ka kilo ini kag naga balor sang P490,000.
Ginakabig nga endangered species ang mga Giant Clams kag isa ka bayolasyon sang section 102 (fishing or taking of Rare, Threatened, or Endangered Species) sang RA 10654 ang pagpangkuha sini sa kadagatan.
Ang suspetsado kag ang mga ginkumpiska nga mga Taklobo ang gindala sa 4th SOU MG headquarters kag gina handa na ang kaso nga pagsupak sa R.A 10654 batuk sa suspek nga wala lang anay gin hingadlan.