Naka recover na ang pito ka mga Omicron variant cases sang Negros Occidental.
Sa pito, duha ang gikan sa Bago City, kag tig-isa naman gikan sa Kabankalan City, La Carlota City, Manapla, Silay City kag Talisay City.
Enero 18 ginpadala ang samples sa Philippine Genome Center.
Suno kay Dr Ernell Tumimbang padayon ang monitoring sang probinsya sa mga lugar nga may matag-as nga kaso sang Covid-19 lakip man ang may clustering of cases.
Ang clustering nagakasayuran nga may duha ukon mas madamo pa nga kaso nga ginareport gikan sa isa ka grupo ukon lugar sa parehos nga tion.
Sang Enero 31 ulihi nga nagpadala sang samples ang probinsya sa Philippine Genome Center.
Suno kay Tumimbang sila ang gina require nga sa kada semana dapat mag padala sang samples.
Kun may mag positibo sa ulihi nga batch sang samples sa Omicron variant suno kay Tumimbang ini ang nagakasayuran sang local transmission.
“Kun may ara nag positive dira sa ginpadala ta sang January 31, most possibly may local transmission na ta sang aton Omicron, kay ngaa dira ta na gin kwa sa those that have with the highest cases of positives”, suno kay Tumimbang.