Si Rep. Ferdinand Martin Romualdez sang 1st District sang Leyte ang gin pili nga speaker sang 20th Congress.
Siya ang nagdaog sa boto nga 269 lakip na diri ang pito ka mga Negros Occidental Representatives.
Sanday Representatives Julio Ledesma, IV sang First District, Alfredo Marañon III, sang Second District, Javier Miguel Benitez, sang Third District, Jeffrey Ferrer sang Fourth District, Emilio Bernardino Yulo sang Fifth District, Mercedes Alvarez sang Sixth District kag Manuel Frederick Ko sang Abang Lingkod Partylist ang nagboto kay Romualdez bilang Speaker of the House.
May 34 ka mamalidha ang nag abstain lakip na diri si Bacolod Rep. Alfredo Abelardo Benitez.
Gin paathag ni Benitez nga indi siya magboto kay Romualdez bilang Speaker of the House bangud nagapati siya nga ang Chamber naga kinahanglan sang isa ka lider nga mabakod nga naga tindog sa likod ni Presidente Ferdinand Marcos, Jr. , lider nga indi nga mag butong paidalom sa iya kundi maka bulig sa pag hugpong sang nasyon para sa iya sini nga vision sa pungsod.
Ang kongreso nagpangatubang sang mga kontrobersiya naga lakip ini sang kwestionable nga budget allocation, nga nag contribute sa pagdula sang pagsalig kag dysfunction.
Nag desisyon man si Benitez nga indi mag align sa Majority, sa Minority ukon sa Opposition.
Maga serbe siya nga independent member sang House nga lubos maga suporta sa presidente kag maga bulig haylo sa mas malapad pa gid nga suporta para sa iya nga liderato.