May 650 ka mga free wi-fi sites ang ginalunsar sa bilog nga Negros Island Region.
352 diri ang sa Negros Oriental, 226 sa Negros Occidental kag 72 sa Siquijor base sa impormasyon sang Negros Oriental page.
Ini ang mas maga hatag pa gid sa mga komunidad sang dugang nga higayon nga gina tuga sang digital connectivity.
Sini lamang ginpatigayon ang ceremonial launching kag acceptance sang mga free wi-fi sites nga mas naga palapad pa gid sang access sa internet connectivity.
Gintiglawas si Negros Oriental Governor Manuel “Chaco” Sagarbarria, ni Provincial Tourism Board Executive Director, Woodrow Maquiling, Jr nga nag deliver sang message of support.
Si DICT Sec Henry Rhoel Aguda ang nag serbe nga keynote speaker. Yara man sa okasyon si Negros Oriental 3rd District Representative Janice Degamo.
Magluwas sa internet access ang amo nga initiative ang naga hatag man sang ligwa kag dugang nga mga higayon sa patag sang edukasyon, employment, government services, entrepreneurship, communication kag innovation.
Ang pag butang sang mga free wi-fi sites, ang naga pakita sang commitment sa pag pasiguro nga wala sang komunidad nga mabayaan sa digital world sa karon.
[sibwp_form id=1]