62 ka mga Olive Ridley sea turtles ang gin-release kaina sang aga sa baybayon sang Sipalay City.
Ang mga bag-ong buto nga pawikan ang gikan mismo sa nest ukon pugad nga yara lamang nahamtang sa Poblacion beach nga adlaw-adlaw gina sayuhan sang mga beachgoers sandig sa post sang Sipalay LGU.
Gin-document ini sang Bantay Dagat team nga gina pamunuan ni Edsel Toledo, kag tigayon nga na-release ang mga bag-ong buto nga pawikan las 8 kaina sang aga.
May 16 ka iban pa nga itlog sang pawikan ang nakit-an sa amo nga nest.
Ang pugad ang na document na sadto pang December 17 sang nagligad nga tuig matapos nga makit-an sang mga beachgoers man ang pag pangitlog sang Olive Ridley Sea Turtle.
Isa ini sa duha ka mga nest sa Poblacion Beach nga gina monitor sang siudad suno sa post.
Padayon ang kampanya sang Bantay Dagat sa pagpangapin sang mga pawikan.
Ginahaylo ang publiko nga kun may makita nga naga disturbo sa pugad gilayon nga mag pakig-angut sa Bantay Dagat sa 0921-528-6669.