Bwas, Mayo 24 opisyal nga maga bukas ang Palarong Pambansa sa Laoag City sa Ilocus Norte.
Delegasyon sang Western Visayas ang handa na pero isa sa pag panghangkat nga ila gina handaan ang kainiton sang panahon.
Sa interview kay Department of Education Western Visayas, Spokesperson Hernani Escullar, Jr., 44 degrees celsius ang forecasted heat index subong nga adlaw. Luyag nila nga mapangapinan ang ikaayong lawas sang mga atleta gani humalin sang pag-abot nila ila nga gina pasiguro nga ang pag ensayo sang kabataan temprano pa ukon sa tion nga bugnaw pa ang panahon. Ginalikawan na ang pag pa gwa sa ila kun adlaw na ukon naga biti na ang init. Ang Disaster Risk Reduction Management Team ang maid-id nga naga monitor agudto malikawan ang ano man nga medical emergencies. Sa mismo delegation sang Western Visayas may kaugalingon nga duktor kag mga nurse. Sa solidarity meeting karon suno kay Escullar talakayon ang mga schedules pero inisyal na nga nakasugtan nga ipaiway ang mga ourdoor games sa tion nga tuman ang pag biti sang init. 1,003 ang delegasyon sang Western Visayas. 608 diri ang mga atleta kun sa diin 189 ang gikan sa Negros Occidental. Maayo na lang suno kay Escullar nga temprano pa nag abot ang delegation sang Western Visayas gani bisan sa paano naka adjust na sila sa kainiton sang panahon. Mayo 19 nagsugod abot ang Western Visayas delegation sa Laoag City.
Ini na ang uilihi nga tion nga maga upod ang Negros Occidental sa Western Visayas bangud sa masunod nga tuig, maga compete na ini sa idalom sang Negros Island Regional Athletics Association. Sa pihak nga bahin, natalana nga 4.6 million pesos nga financial assistance sa Bacolod student-athletes kag staff nga maga-compete sa Palarong Pambansa ang aprobado na sang konseho sang Bacolod.