Sa 112 ka mga Closed Circuit Television Camera sang siudad, 52 ang operational.
Ini base sa datus nga gin pa gwa sang Bacolod City PIO.
Ang ini nga mga CCTV camera ang na install sa Burgos Street-Ferero, Ferero-Rizal Street, St.Paul tower-Rizal Street, Alijis (Bacolod Memorial Park), Araneta Street (Golden field), Lopue’s East, Lacson Street-North Capitolrd.,St. Francis Ave. and Circumferential road, NGC exit.
Sa 52 nga operational nga mga CCTV camera, siyam diri ang 360 degrees CCTV camera.
Suno kay DRRMO Executive Assistant I, Aaron Bais sila ang nag deploy sang tatlo ka mga technicians para ma check ang mga CCTV nga na install sa siudad.
Problema kasubong sang mahinay nga internet signal, kabudlayan sa pag transmit sang signal bangud sang low radio antenna kag pag deteriorate sang Network Video Recorder ang pila lamang sa ila nga natukiban.
Nagakinahanglan man sang maintenance. Dugang pa niya ang monitoring sang mga CCTV camera ang apektado man sang masami low voltage nga naga ka eksperiensyahan.
Ang CDRRMO sa karon ang padayon nga naga kaayo sang mga CCTV camera nga na install sa siudad kag padayon ang pag pangita sang pamaagi para mas mapaayo ang traffic surveillance.