Sa banwa sang Toboso sa sulod lamang sang 25 ka adlaw anum ang napatay nga positibo sa COVID-19.
Ini suno kay Mayor Richard Jaojoco nga nagsiling man nga base sa ila nga record isa ka 65 anyos nga babaye nga nag attend sang isa ka birthday party kag nag hampang sang mahjong kaupod sa iya nga mga abyan ang pinaka ulihi nga COVID-19 fatality sang banwa.
Apat sa anum ang may comorbidity ukon may masakit kasubong sang hypertension, asthma kag diabetes.
Ang 6 recorded deaths sa sulod lamang sang Marso 27 tubtob Abril 20 suno sa alkalde.
Padayon ang panawagan kag abiso sa publiko suno kay Jaojoco nga maghalong kag kun mahimo mag gwa lamang sa puluy-an kun importante ilabi na sa pagpadulong sa merkado.
79 ang active case sang banwa as of April 21.