Padayon ang pagbakuna sa Negros Occidental. 58.61 percent sa target nga mabakunahan sang Negros Occidental ang nakabaton sang at least one dose sang bakuna.
Sa 7am, December 23 nga report sang Regional Vaccination Coverage, 1,069,799 sa target nga masobra 1.8 million ang nakabaton sang at least one dose sang Covid-19 vaccine sa Negros Occidental.
Suno kay Dr Jessica Fama ang medical specialist 3 sang Provincial Health Office wala nag untat ang pag pangbakuna sa probinsya. Tayuyon ini sa norte nga bahin sang Negros Occidental kag bisan gani sa sur nga tuman na apektuhan sang bagyo Odette naga padayon ang vaccination program.
Importante nga mabakunahan ang mga pumuluyo suno sa iya labi na nga indi malikawan ang pag tililipon kag ang risgo sini kun yara sa mga evacuation center. Sa gihapon nagalaum ang PHO nga malambot ang herd immunity ukon ang 70 percent nga target sa populasyon bisan pa nga nag apekto ang bagyo Odette sa programa.
Masobra pa sa 755,000 ang lalab-uton sang probinsya nga mabakunahan. 417,656 naman ang nakabaton sang at least one dose sang bakuna sa Bacolod. Ang target sini nga mabakunahan masobra sa 410,000.