Patay ang 54 anyos nga si Ronaldo Hornago matapos ginbuno sang 17 anyos nga babayi nga iya upod nga nagatrabaho sa katubuhan sang nag ligad nga Biyernes sa Barangay Jerusalem sa siudad sang Cadiz.
Sandig sa imbestigasyon sang Cadiz PNP, naga pangape lang ang menor de edad sang ginhanot ni Hornago kabangdanan nga nag balos ang babayi kag iya gin buno si Hornago.
Patay ang biktima bangud sang pag pamuno.
Suno sa pulis, nag baisay sang Huwebes sang gab-i ang duha nga pareho naga tinir sa isa ka quarter bangud lang sa ila nga amutay sa pagkaon.
Yara na sa custody sang City Social Welfare Development karon ang menor de edad.