Shadow

2 ka soldado patay sa ambush sa Cauayan

303rd IB photo

Duha ka mga soldado ang patay matapos gin ambush sa Cauayan sang ginapatihan mga miyembro sang NPA, samtang isa man ka npa member ang pilason sa natabo nga enkwentro sa Santa Catalina.

Pilason ang isa ka lalaki nga gina patihan miyembro sang new peoples army sa nag luntad nga enkwentro sa tunga sang Special Action Battalion upod sang Regional Mobile Force Battalion batuk sa mga rebeldeng NPA sa Santa Catalina sa Negros Oriental sang Biyernes Santo.

Suno sa PNP, naga patigayon sang counter insurgency operations ang mga pulis sang ila maka enkwentro ang mga rebelde.

Naabtan na lang sang kapulisan ang pilason nga NPA member sa ila pursuit operation kag ila man ini gilayon nga gin bulong. May mga armas, bala kag granada nga na recover ang kapulisan sa amo nga persona.

Samtang, patay naman ang duha ka mga soldado nga katapo sang 15th Infantry Battalion matapos sila gin ambush sang gina patihan npa sang Sabado sa Sitio Cambaga, Barangay Yao-Yao sa banwa sang Cauayan.

Ang napatay amo sanday Sargeant Jhoem Meguillo nga taga North Cotabato kag Corporal Alaster Balboa nga taga Zamboanga City.

Suno kay Major Cenon pancito, spokesperson sang 3rd infantry division, ang duha ka mga soldado ang wala naka uniporme kag nagpadulong lang sa lugar sakay sa motor para kun tani sa community support program sang sila ang gin ambush sang mga rebelde.

Gina kundenar sang army ang pag patay sang mga rebelde sa duha ka mga soldado. Ila man gina siguro nga matagaan sang hustisya ang kamatayon sang duha ka soldado.

Ila man ginkilala ang pagkabaganihan kag pag sakripisyo sang duha ka mga napatay nga soldado.

Leave a Reply

Your email address will not be published. Required fields are marked *

Secured By miniOrangeSecured By miniOrange