Kuha ang video sa La Salle Avenue sa Bacolod City kun sa diin makita ang apat ka mga pamatan-on kag isa ka iloy kag iya bata sa kilid sang dalan.
Suno sa Department of Social Services and Development sang siudad, lunsay nagagamit sila sang rugby.
Sang Martes, tigayon nga na rescue sang Mendicancy Management Division ang tatlo sa ila.
Isa sa mga na rescue ang yara na sa legal nga pang edaron, samtang ang duha naman ka lalaki nga naga edad 15 kag 16 anyos ang gindala sa Barangay Villamonte agud makuha sang ila mga ginikanan.
Ginsiling ni Anjanette Servano, pamuno sang Mendicancy Management Division nakuha sa mga na rescue nga kabataan ang mga plastic bottles nga may unod rugby.
Sa record sang DSSD may 52 na ka mga kabataan nga yara sa kilid sang dalan ang ila tigayon nga na rescue kag napulo sa ila ang ginbutang na sa mga partnered institutions.
Dugang ni Servano, masami nga nagabalik sa dalan ang mga kabataan apisar makapila na kabeses sila nga i-rescue bangud sa problema man sa ila mismo mga pamilya.
Kalabanan sa ini nga mga kabataan ang una man nga ginpang rescue sa public plaza apang nangita naman ang mga ini sang iban nga lugar agud makapanglimus samtang ang iban naman agud makasinghot sang rugby.
Padayon ang operasyon sang Mendicancy Management Division sa mga dalanon sang siudad kun gab-i.
[sibwp_form id=1]