Makita sa CCTV video ang pag U-turn sang puti nga motorsiklo kag nag park sa tupad man mismo sang isa ka motor nga may nabilin nga helmet sa Lopez jaena Street Hwebes sang aga. Nagpanilag sa palibot ang lalaki kag nag lili sa sulod sang isa ka hardware store.
Ang tag iya sang motor nga may helmet ang nagtabok lang makadali sa may emission center para may kuhaan nga mga dokumento.
Matapos ang pila ka segundos, nagwa ang lalaki sa hardware kag nagbalik sa iya nga motor. Liwat nga nagpanilag kag ginkuha ang helmet nga nabilin kag nagpalagyo.
Nagalalain ang tag-iya ka helmet kay indi siya ka dala sang motor pabalik sa ulubrahan kay wala sang helmet gani nanawag siya sa iya kaupod sa opisina para dul-ongan sang helmet.
Sa social media may mga naga post man sang kawatan sang helmet sa bisan diin lang nga lugar gani panugyan sang otoridad sa publiko nga bitbiton gid ang helmet pirme kag indi pag-ibilin kay init ini sa mata sang mga kawatan.
Ginusisa sang Police Station 4 kun ang kawatan sang helmet sa The Upper East amo man ang nagkawat sang helmet diri sa Lopez Jaena.
[sibwp_form id=1]