Masobra na sa 5,000 ka kilo sang spaghetti wires natipon sang Task Force sa Bacolod.
Nahimos na sang katapo sang Task Force Spaghetti wires ang mga naga laylay nga kable sang kuryente halin sa 6th Street- Lacson kag dalan Hilado.
Humalin sang nagligad nga semana, may masobra na sa 5,000 kilos ang ila napangkakas kag napanghimos upod sa katapo sang BENRO.
Ginsiling ni Councilor Psyche Marie Sy nga nagapamuno sang task force, sunod nila nga limpyohan ang dalan pakadto sa Panaad Park and Stadium kabahin sang pagpanghanda para sa Panaad sa Negros Festival sa Marso 24.
May mga kable nga sarang malab-ot sang mga maga linabay nga truck gani kinahanglan suno kay Sy nga mahilway ang alagyan agud ma pahagan-hagan ang posible pag-gutok sang lakat sang trapiko sa tion sang festival.
Samtang ginpahayag ni Mayor Albee Benitez nga sa karon indi na makabig lapnagon ang problema angut sa mga spaghetti wires.
Ginapaabot sang alkalde nga masuguran na sang Negros Power ang kaugalingon sini nga underground cabling project sa dalan Lacson sa sini nga bulan.
Ang Bacolod LGU ang separado man nga maga patigayon sang ginaplano nga underground cabling project sa Lacson Street.