Masobra 500 ka mga international athletes ginapaabot magahampang sa World Youth Championship sa Bacolod sa Disyembre.
Tuyo sang Singaporean-based basketball club nga dal-on ang tuigan nga World Youth Championship Basketball Invitational Tournament sa Bacolod sa Disyembre 13 tubtob 16.
Ginabulubanta sa 75 ka mga international teams nga nalakipan sang masobra 500 ka mga foreign student-atheletes ang maga-compete.
Gani ginalauman sang Bacolodnon coach nga si Nathaniel Salanga, founder sang Heart of Basketball International ball club nga mapasanyog ang sports tourism sa siudad nga isa ka potential hub para sa international sports event.
Upod sa 45 ka mga international teams nga magahampang sa Under 10 year-old asta sa Under 18 year old category ang gikan sa Australia, Singapore, Japan, South Korea, Philippines, Thailand, Indonesia kag iban pa.
Misyon sang Heart of Basketball nga paagi sa competition mas mapasanyog ang cultural exchange kag grassroots development sa mga rehiyon indi lamang sa Asya kundi sa iban pa nga lugar sa abroad.