Patay na sang masapwan ang lima ka tuig nga bata nga lalaki matapos ini mahulog pasado la una sang hapon kahapon sa sa manhole sa kilid sang dalan sa Barangay Mansilingan sa Bacolod.
Suno kay Punong Barangay Boy Pico sang Mansilingan, ginpahayag sang utod sang biktima nga sila ang naglabay lang sa kanal sa kilid sang dalan. Bangud sa mataas ang tubig, wala matalupangdan sang biktima nga may buho gani nahulog ini kag gin anod na ka tubig.
Nakita ang lawas sang bata suno kay Pico sa manhole may 200 metros ang kalayuon halin sa kanal kun sa diin siya nahulog.
Duha ka oras ang nagligad antes nasapwan ang bata, patay na siya sang makit-an.