Nagsaka na sa 25 pesos ang plete sa fastcraft pa Iloilo Bacolod vice versa.
Ini tuga man sang pagsaka sa presyo sang produkto petrolyo sa pungsod.
Sa katapusan pa sang tuig, ginapaabot ni Negros Occidental 3rd District Congressman Francisco “Kiko Benitez ang inflation ukon ang pagsaka man sang presyo sang mga balaklon bangud sang epekto sa pagsaka sang presyo sang agricultural farm inputs kasubong sang abono kag produkto petrolyo.
Pero tungod man sang ginamo sa Ukraine ginsiling sang vice chairperson sang congressional committee on agriculture and food nga mas nagasaka karon ang pressure sang inflation.
Sa text message ginpahayag man ni Benitez nga indi pa mapat ud kun masarangan pa sang national government ang i-suspend ang excise tax kag value added tax santo sa panawagan sang transport sector kag consumer watch group.
Ini bangud may nagapabilin pa nga utang ang national government.
Gindugang sang katapo sang congressional committee on economic affairs,ang time bound suspension nga ginakinahanglan sang pagligwat sang Central Bank Monetary Policy ang ginalauman niya maka pahagan hagan sa epekto sang inflation.
Kadungan sini ang mabaskog nga panawagan para sa wage increase.