Lima ka mga nagatrabaho sa Gobyerno Probinsyal ang nag positibo sa pag gamit sang iligal nga droga.
Ini base sa pahayag ni Provincial Administrator Rayfrando Diaz sa interview sang media.
Sa lima may yara sang job order worker. May yara man nga na hire via agency. Wala sang regular nga empleyado sa lima suno kay Diaz.
Ila na napadala sa Provincial Legal Office ang resulta para sa nagakaigo nga notices.
Bilang policy ang mga JO worker, mga contract of service ukon COS nga mag positibo sa pag gamit sang iligal nga droga ang automatic nga wala gina-renew.
Kun regular nga empleyado naman, ini ang naga paidalom sa rehabilitation kag sarang makabalik liwat sa trabaho kun na ka recover na.
Ang routine nga pag patigayon sang drug testing kabahin sang kampanya sa pag pabilin sang isa ka drug free work place.
Dugang pa ni Diaz kabahin man ini sa pag panghanda para sa renewal sang mga kontrata sang job order workers kag COS.
1,878 ang gin paidalom sa drug testing sang Lunes nga naga lakip sang regular employees, JO workers, COS kag agencies pagkatapos mismo sang flag raising ceremony.