Election Day shooting sa Silay City ang maga apekto sa peace and order status sang siudad sa maabot nga Barangay kag SK Elections.
Ini suno kay Commission on Elections Negros Island Region Director, Atty Lionel Marco Castillano.
Suno kay Castillano, ginkabig nila ang natabo nga tiruhay sadtong Mayo 12 sa Brgy Mambulac, nga nag-utas sang duha ka kabuhi kag pag kasamad sang pito ka iban pa bilang election related. Gani gina paabot nga sa masunod nga piniliay mangin yellow gikan sa green ang status sang Silay City.
Suno sa pamuno sang CIDG Negros Island Region, Col Arwin Tadeo nga naga pungko man bilang vice chair sang Special Investigation Task Group Silay nga gintukod, na establish nila nga ang motibo election related.
Nag positibo man sa paraffin test ukon gun poweder nitrate si Lantad Punong Barangay Arnie Benedicto nga amo ang gina tudlo nga gunman sa nagluntad nga shooting incident.
Sa karon naga pabilin sa custody sang CIDG ang punong barangay samtang gina hulat ang commitment order gikan sa korte.
Si Benedicto kag tatlo ka iban pa nga john does ang naga pangatubang sang 2 counts sang murder kag 7 counts sang frustrated murder.
Ang mga nagkalamatay kag nagkalasamaran ginsiling mga supporter ni Mayor Joedith Gallego kag naga bantay batuk sa gina alegar vote buying.