Shadow

2nd tranche sang saka sa sweldo sang mga empleyado sang Gobyerno Probinsyal ipatuman sa 2022

Saka sa sweldo sang mga empleyado sang gobyerno probinsyal ang nalakip sa 2022 proposed budget.

Ini suno kay Negros Occidental Governor Egenio Jose Lacson nga nagsiling nga ang probinsya ang maga hatag sa mga empleyado sang ano man nga na para sa ila. Sa 5.7 billion pesos nga proposed budget nga gin submit sang gobernador sa Sanggunian Panlalawigan, 1.7 billion pesos ang na pain para sa personal services.

Samtang, wala pa man natalakay ang bahin sa mga bonuses sang empleyado. Suno kay Lacson, kun ano ang sarang nga mahatag sang probinsya sa mga empleyado ini ang igahatag.

Igatalakay pa sang SP ang proposed budget sang probinsya nga gin-submit for review sang Miyerkules.

Nagtaas man ang budget bangud sang pagsaka sang national tax allotment ukon sadto anay internal revenue allotment tuga sang Mandanas rule, taklaron sa gihapon bangud sang padayon nga pagpakig-away kontra Covid-19 suno sa gobernador.

Secured By miniOrangeSecured By miniOrange