Isa ka 49 anyos nga babaye gikan sa Bago City ang ika pito nga dengue casualty sang probinsya sang Negros Occidental.
Sa report sang Provincial Health Office may 1,603 dengue cases as of April 5.
Kun ipaanggid sa kasubong nga tion sang 2024, masobra sa 381 percent nga nagsaka ang dengue cases.
Nagapabilin ang Bago City nga may pinaka madamo nga dengue cases nga gin-report – 320.
Kalabanan sa mga nag masakit sang dengue yara sa 11 to 20 years old nga age group.
Padayon nga naga abiso ang gobyerno probinsyal sa publiko nga indi mag pabaya kun may gina batyag.
Suno kay Governor Eugenio Jose Lacson, kun naga hilanat mas maayo nga kabigon na ini nga daw dengue kag mag pa konsulta.
Sulit-sulit man ang panugyan sa publiko nga mag mangin matinlo sa palibot agudto malikawan ang ano man nga balatian lakip na ang dala sang lamok.