Padayon ang pagbakuna sang Negros Occidental subong nga adlaw. Masobra sa 48,000 ka dose sang bakuna ang napadala nga paga gamiton sa sulod sang duha ka adlaw.
Pfizer, AstraZenca kag Sinovac ang napadala sa 27 ka mga banwa kag siudad sa probinsya.
Suno kay provincial administrator Rayfrando Diaz, ang pag patigayon sang pagbakuna sa bwas nga adlaw maga depende na sa lakat sang panahon. Damlag pa nag abiso na sang pagpaisol sang bayanihan bakunahan 2, sa Disyembre 20 tubtob 22 sa mga lugar nga apektado sang Bagyo Odette, kalakip ang Region 6.
Pero, nag padayon ang pagbakuna sa Negros Occidental bangud nga napadala na ang mga bakuna kag na deploy na ang mga vaccination teams.
Samtang, suno kay Diaz may natalana kuntani nga maga abot nga Covid – 19 vaccines sa Negros Occidental nga ang expiry date sa katapusan sang bulan sang Disyembre pero nag sulat ang probinsya nga naga hinyo nga indi sini pagbatunon ang amo nga batch sang bakuna.
Ang nag abot nga batch sa January 2022 pa ang expiry. Suno kay Diaz, luyag man sang Negros Occidental nga kampante ang mga mabakunahan nga ang paga gamiton nga bakuna may maayo nga potency.