48 na ka mga salakyan nalakip diri mga depasahero nga jeep nga wala sang prangkisa ang na impound sa Bacolod.
Humalin sang Setyembre 11 tubtob 15, may 40 na ka mga traditional jeepney ang na-impound pinaagi man sa joint road inspection sang Land Transportation Office upod sa Land Transportation Franchising and Regulatory Board kag Bacolod Traffic Authority Office.
May duha man ka mga modernized jeepney, tatlo ka mga taxi, duha ka motorsiklo, mga van ang na-impound sa LTO sa Barangay Mansilingan.
Suno kay City Administrator Atty. Pacifico Maghari, III, kalabanan sa mga bayolasyon nga nakit-an amo nga unregistered ang mga salakyan ukon indi gani expired ang certificate of professional competence ukon licenses sang mga drayber kag may natukiban man nga fraudulent documents.
Ginpaathag na ni Maghari nga ang pagpatuman sang road inspection kabahin sang tikang sang mga otoridad batuk sa mga colorum nga mga salakyan nga nagabyahe sa siudad.