Patay si Bienvenido Alvarez, 63-anyos matapos nga ginbuno sang iya nga himata bangud sa away sa duta sa Sitio Gusa, Brgy. Banog-Banog banwa sang Isabela, Lunes sang aga.
Ang suspek ginkilala sa kay Rolly Basilio Alvarez, 42-anyos.
Suno sa kay Police Captain Ar-Jay Dangarang ang hepe sang Isabela PNP, ginsaway ni Rolly ang biktima nga indi maglabay sa iya nga duta.
Nagsabtanay sila kag hinali na lang nga ginlabo ni Bienvenido ang suspek sa tiil gani nagbalos ini. Ginbuno niya ang biktima gamit ang binangon. Ginhingagaw pa dala sa ospital ang biktima apang gindeklarar ini nga dead on arrival.
Boluntaryo nga nagsungka sa kapulisan ang suspek kag magapangatubang sang kaso nga homicide.