Sa 5,200 ka Sinovac vaccine nga nag abot sa probinsya kaina sang aga, 2600 ka mga frontliners ang dapatan sini para sa first dose.
Ini suno kay Dr Ernell Tumimbang ang provincial health officer sang Negros Occidental.
Sa record sang probinsya as of April 4, 4,590 pa lang ka health care workers ang nadapatan sang first dose sang bakuna kontra COVID-19 sa masobra 31,000 ka target nga mabakunahan. Diutay pa lamang ang nabakunahan bangud naga depende man lamang ang probinsya sa supply nga maga abot.
Ang bag o nga batch sang bakuna suno kay Tumimbang ang iga dul ong sa mga LGU para madapat sa mga natungdan. Yara pa lang sa gihapon sa level sang mga frontliners ang pagbakuna kun I base sa priority list.
Samtang, sa masunod nga semana naman idapat ang ika duha nga dose sang bakuna kontra COVID-19. Ang pagdapat sang second dose dapat sa sulod sang 28 to 32 days humalin sa gin hatag ang first dose sang bakuna.