91 porsyiento sang 74, 163 ka mga nagboto nga member-consumers sa apat na ka adlaw nga plebisito ang nagpabor sa kasugtanan sa tunga sang Central Negros Electric Cooperative kag Primelectric Holdings Incorporated.
Para kay Ceneco Acting General Manager Atty. Arnel Lapore, very encouraging ang resulta sang Agosto 19 kag 20 nga botohay kun diin may 42 porsyiento na sang masobra 177,737 nga kinahanglang nila nga boto ang tigayon nga nakaboto.
Pero suno kay Lapore maga usisa man sila sa reklamo sang pila ka mga botante nga may mga proxy nga nauna pa nagboto para sa ila.
Samtang, ginarespeto man ni Lapore ang pahayag sang mga obispo nga dapat anay mangita sang iban nga alternatibo nga solusyon kasubong sang paghatag sang financial assistance sang gobyerno sa Ceneco antes pa man sang JVA.
Ugaling, para sa acting general manager sang Ceneco ginakulang man ang pondo sang gobyerno amo nga ang JVA ang nagakaangay nga solusyon agud nga mapaayo ang serbisyo sang mga konsumedor.
Magapadayon ang plebesito sa Agosto 26 kag 27 kag Setyembre 2 kag 3.