Drayber sang tricycle patay, pasahero pilason sang mabungguan sang bus sa Victorias City.
Kuha sa CCTV video ang pagbunggo sang bus sa tricycle sa Osmena Avenue national highway sa Barangay 13 siudad sang Victorias Domingo sang hapon.
Napatay ang drayber sang tricycle nga Elf Sanipa,25 anyos bangud sang naangkon nga mga pilas sa lawas.
Pilason man ang iya pasahero nga babaye.
Sa pagpangusisa sang Victorias City PNP, pareho nga naga byahe pa norte ang tricycle kag bus nga ginamaneho ni Lemuel Fajardo, 49 anyos.
Ugaling makita man sa video nga nag swerve pawala kag gin agaw sang tricycle ang lane sang bus amo nga direkta ini nga nabungguan.
Nag gwa man sa pagpang usisa sang kapulisan nga nag malfunction ang tricycle amo nga nawarik ini sang drayber pakadto sa lane sang bus.