Mga P200 million ang iga-release nga pondo para sa mga 40,000 ka mga tricycle drayber bilang fuel subsidy sini nga Abril 8.
Ini suno kay Department of Social Welfare and Development Negros Island Region Director, Arwin Razo nga nagsiling nga una nga hatagan ukon sa phase 1, ang mga tricycle drayber nga gikan sa 19 ka mga siudad sa Negros Island Region sa tig P5,000.
“Lahat ng cities lang talaga sa April 8 as directed by our Central Office. Yes, buo na P5,000, walang service fee, or anything.
Full po yan na P5,000 per eligible tricycle driver. Nililinis namin yung listahan. So roughly, baka umabot tayo ng 40K, yan yung projection ko”, suno kay Razo.
Ang phase 2 naman sang releasing sang fuel subsidy sa Abril 16 kag ang mga tricycle drayber nga gikan sa tanan nga banwa sa NIR ang maga baton. Indi pa, as of press time ma pat-od kun pila ka mga drayber nga gikan sa mga munisipalidad ang maga baton bangud nga gina tipon pa lang ang datus.
Paathaag ni Razo, sa Abril 8, simultaneous ukon dululungan ang releasing sang fuel subsidy.
Driver’s license nga valid, ukon indi expired ang requirement. Kun on process pa ang renewal basta may pruweba lang ini sarang sa gihapon nga mabaton.
Mga katapo sang TODA ukon tricycle drivers and operators association ukon yadtong may mga permit amo ang qualified nga magbaton sang fuel subsidy suno sa DSWD.*
[sibwp_form id=1]