40 ka programa sa idalom sang Bacolod- DSSD kag iban pa nga opisina ginapangayuan sang exemption sang siudad sa COMELEC.
Nalakip sa luyag nga mapadayon nga programa sang Bacolod LGU paagi sa Department of Social Services and Development ang pagpanagtag sang ayuda gikan sa Assistance to Individuals in Crisis Situation, Social Pension kag iban pa.
Ginpahayag ni Secretary to the Mayor Atty. Jose Marty Go nga ang aktwal nga pagpalab-ot sang cash assistance ang kabahin sa 32 ka proyekto nga ila nga ginapanguyaan sang exemption sa ginapatuman nga banning sang Comelec.
Dugang diri ang walo ka programa sa idalom sang housing related projects.
Ginatipon na sang City Engineer’s Office ang mga dokumento sa request for exemption para sa construction of public works kag delivery of materials for public works.
Tuyo sang Bacolod LGU nga masuguran ini ma-submit sa COMELEC Main Office via online sa madasun nga semana.
Sa Marso 28 na maga-sugod ang banning period dungan sa provincial kag local campaign period.