![](https://i0.wp.com/digicastnegros.com/wp-content/uploads/2023/09/wp-1695809573572.jpg?resize=810%2C456&ssl=1)
Naglambot na sa apat ang gun ban violator sa siudad sg Bacolod.
Suno kay Lt. Col. Ronnie Brillo, Deputy City Director for Administration sang Bacolod PNP, humalin Agosto 28 apat ang nadakpan nga naglapas sa COMELEC gun ban kag tanan ang napasakaan na sang kaso.
Sa apat, tatlo ang nakuhaan sang pusil samtang ang isa ang nakuhaan sang kutsilyo.
Suno kay Brillo, na-recover ini nga mga armas sa police response kag complaint nga ila nabaton.
Dugang pa ni Brillo, nagapadayon ang ila rekorida angut sa gun ban kag tungod diri, wala sang violator nga nadakpan nga licensed firearm holder.