Masskara Task Force for Traffic gintukod para matagaan atensyon ang problema sa trapiko kag ang pagpatuman sang Towing kag Clamping Ordinance sa Bacolod.
Nakigsapul na ang katapo sang Bacolod Traffic Atuhority Office upod sa tagmdumalahan sang towing services company nga magaserbe sa Masskara Festival sa Oktubre.
Suno kay Traffic Consultant nga si anay Negros Occidental board member Patrick Lacson ang BTAO upod sa mga personnel sang towing service ang kabahin sang natukod nga Masskara Festival Task Force for Traffic nga amo ang
magapasiguro nga matagaan atensyon ang problema sa trapiko ilabi na ang sa bahin sang pagpatuman sang clamping kag towing ordinance.
Gin-istall na sang BTAO ang mga signages para sa designated tow-away zones sa Lacson street nga isa sa mga festival sites.
Ginapasiguro man sang pamunuan sang towing service nga mapasiguro nga mahalungan ang mga salakyan nga madakpan sa mga tow-away areas.
Sa karon nagahulat naman sang dugang nga mga traffic personnel ang BTAO gikan sa siudad para mag-serbe sa tuigan nga kahiwatan.