Yara na sa storage area sang Comelec-Bacolod ang 398 ka mga ACM nga pagagamiton sa natalana nga May 12 automated elections.
Ginpahayag ni City Election Officer Atty. Revo Sorbito nga kumpleto na ang ACM kag natalana ini nga ipaidalom sa final testing and sealing sa Mayo 7.
Ang mga ACM ang kabahin sa 2,016 ka units nga una nga na-deliver sa secured warehouse sang COMELEC sang nagligad nga semana.
Ginapaabot ni Provincial Election Supervisor Atty. Ian Lee Ananoria nga posible bwas maga-inabot ang dugang nga mga ACM nga kinahanglanon sa adlaw sang pinili-ay.
2,484 ka mga ACM ang natalana sa Negros Occidental.