Dengue cases sa Negros Occidental ang nagdangat sa 1,692.
Ini sandig sa report sang Provincial Health Office, as of April 19.
Nagapabilin sa pito ang gin-report dengue related death.
Kun ipaangid sa kasubong nga tion sang nagligad nga tuig, 341.78 percent nga mas mataas ang kadamuon sang kaso karon.
Pero suno kay Dr Girlie Pinongan ang Provincial Health Officer, sa ila nga monitoring makit-an naman ang amat-amat nga pag nubo sa kadamuon sang dengue cases.
Padayon ang panawagan sang PHO sa publiko nga mag paninlo sa palibot para malikawan ang balatian nga dala sang lamok.
Kun may mga sintoma sang dengue nga nakita kaangay sang paghilanat, rashes kag pag palanakit sa kalawasan mas maayo nga mag pa konsulta gilayon.