Typhoid cases sa Negros Occidental ang nagdangat sa 387. Tatlo naman ang typhoid deaths nga na-record.
86.06 percent ini nga mas mataas kun ipaanggid sa kasubong nga tion sang nagligad nga 2024. Sa March 29 nga report sang Provincial Health Office ang siudad sang Kabankalan ang may pinaka madamo nga gin-report typhoid cases – 96.
Nagasunod naman ang Hinoba-an nga may yara sang 43 cases kag San Carlos City nga may yara sang 33 cases.
Suno sa PHO 30 sa 31 ka mga LGU sa bilog nga probinsya ang may typhoid cases nga gin-report.
Samtang, sa Bacolod City naman, as of March 22, may 27 cases sang typhoid ang na report. 145.5 percent ini nga mas mataas kun ipaanggid sa kasubong nga tion sang nagligad nga tuig.
Ang typhoid fever makuha sa pag kaon ukon pag inom sang tubig nga na contaminate gikan sa higko sang tawo nga may dala nga kagaw ukon bacteria nga salmonella typhi.
Pila sa mga sintomas sang typhoid ang hilanat, sakit sang ulo, sakit sa tiyan, paglupot ukon tig-a ang higko, pag palanuka, pagpalanakit sang lawas kag wala sang gana sa pag kaon.
Gina haylo ang publiko nga indi mag kalipat sang pag panghugas sang kamot, pag pasiguro nga matinlo ang ginakaon kasubong mang gina inom nga tubig.
[sibwp_form id=1]