17 percent nga tariff nga iga patuman sang pungsod Amerika sa Philippine exports ang may daku nga epekto sa industriya sang kalamay.
Ini suno 5th District Representative Emilio Dino Yulo, nga nagpaathag nga ang pag export sang kalamay sang Pilipinas sa pungsod Amerika ang zero tariff.
Gani ang 17 percent nga ipatong sa mando ni President Donald Trump ang nagakasayuran sang dugang nga palas-anon sang mga exporter gani indi na ini mangin profitable sa ila.
Pero kinahanglan sang pungsod nga tumanon ang sugar quota sini sa Estados Unidos.
“Sa sugar industry may drastic effect kay naga export kita sang kalamay sa Amerika, specifically ang A Sugar naton subong zero trariff na no ang gina padala naton sa Amerika so under sa kay President Trump subong ma impose na siya 17 percent nga tariff, halin sa Pilipinas. Masaka ang costing nimo kay may plus 17 percent ta”, suno kay Yulo.
Suno kay Unifed President, Manuel Lamata, indi mangin maayo ang epekto sang 17 percent tariff sa mga traders.
Balantayan suno sa iya kun ano gid ang mangin lubos nga epekto sini.
Pero, klaro ni Lamata wala ini sang direkta nga epekto sa mga sugar farmers.
“It will carry a cost, 17 percent basi indi na profitable sa traders to bring out the sugar for sale to the US. It will be too much. So I believe right now the SRA is writing the Department of Agriculture getting information kun dayon gid bala na or bluff na ni Trump, which is doubt. Let’s see the effect”, suno kay Lamata.
Damlag pa ginsiling sang Malacanang paagi kay Press Officer Claire Castor nga minimal ang impact saang 17 percent tariff sang Estados Unidos base man sa gin-release nga pahayag sang Department of Trade and Industry.
Ang pungsod Pilipinas kabahin sa mga pungsod kun sa diin manubo ang ginpatuman nga tariff sang Amerika kun ipaanggid sa iban nga pungsod nga tuman ka taas sang ginpatuman nga tariff.