22 ang gin-report napatay sa Negros Occidental matapos mag igo ang Bagyo Tino.
Ginsiling ni Vice Mayor Rhummyla Nicor nga may 10 nga napatay sa banwa sang La Castellana.
Sa record sang La Carlota City Disaster Risk Reduction Management Office apat naman ang napatay.
Ginsiling ni Negros Occidental Governor Eugenio Jose Lacson nga sa datus nga nabaton nila gikan sa PNP may yara sang duha nga napatay sa banwa sang Murcia, tatlo sa San Carlos City kag tatlo sa Bago City.
Suno kay Irene Bel Ploteña ang Negros Occidental Provincial Disaster Risk Reduction Management Office, kalabanan sa mga napatay bangud sang pagkalumos.
Suno kay Lacson isa naman sa napatay ang natumbahan sang kahoy.
Sa Negros Oriental, siyam ang gin-report napatay.
Suno kay Lt Stephen Polinar ang Negros Oriental PNP PIO, walo ang gin-report napatay sa Canlaon City kag isa sa Vallehermoso.
Ang datus as of 2pm.
Ang missing sa Negros Occidental 41.
Suno kay Lacson pito ang missing sa Bago City. Sa datus sang La Carlota City DRRM 11. Ginsiling naman ni Nicor nga 23 ang missing sa La Castellana.
Sa Negros Oriental 18 ang missing kag ini ang gikan sa Canlaon City suno kay Polinar.
Padayon pa ang search and rescue operation sa mga na-missing suno sa otoridad.