Naglab-ot na sa 30 mil ang nabakunahan sang booster dose sa Bacolod sa mga vaccination center sa mall.
Humalin sang ginbuksan sang Emergency Operations Center ang vaccination para sa booster dose para sa general public naglab-ot naman sa masobra trenta mil ang nakabaton sang dugang nga dose sang Covid-19 vaccine.
Suno kay Dr. Chris Sorongon, deputy for medical data and analysis sang EOC, dako nga bulig ilabi na sa mga medical frontliners,senior citizen kag may co-morbidities ang dugang nga dose ang bakuna batuk man sa nagkalain-lain nga variants of concern.
Importante lang suno kay Sorongon nga ginasunod ang 3-6 months interval nga magadepende man sa brand sang vaccine antes ang pag-administer sang sa booster dose.
Maid-id man nga gina-usisa sang mga vaccinators ang mga vax cards sang mga luyag magpa-booster shot agud madapatan sang recommended vaccine ang vaccinee kag mapaiway ang vaccine mix-up.