52 ka mga pamilya ukon 300 ka mga persona ang yara karon sa evacuation center kasunod sang natabo nga serye sang encounter sa Barangay Humay-Humay, Guihulngan City sa Negros Oriental kahapon, Hwebes.
Suno sa Public Information Office sang Guihulngan, apektado ang mga residente sang Barangay Tacpao, Calamba kag Bulado.
Ang barangay gym kag mga eskwelahan ang naga serbe nila nga temporary nga ilistaran.
Suno kay BGen Joey Escanillas, 302nd Brigade Commander, may kapin sa siyam ka mga nabilin nga pwersa sang NPA ang naka engkwentro sang army.
Naglawig sang halos lima ka minutos ang una nga encounter kag na sundan pa gid ini kag nag-resulta sa kamatayon sang isa ka rebelde.
May isa man ka soldado nga nasamaran pero indi malubha.
Nagapatrolya ang army sa area sang masugata ang pwersa sang NPA sang Huwebes nga nagresulta sa encounter.