Shadow

30 years nga jeepney driver kag lapit na lang mag 30 years nga traffic enforcer

Kun taga Bacolod ka ukon pirme ka sa Bacolod nakit-an mo na ni siya.

Siya si Antonio Cordero, 77 anyos kag manug treinta na ka tuig nga trafic enforcer.

Nagsugod siya sang 1995 sa termino ni anay Mayor Evelio Leonardia. Sng nagbulos si anay mayor Oca Verdeflor na retain siya. Pagkambyo sang adminsitrasyon ni former Mayor Joy Valdez, ara man siya sa gihapon. Sang nag bulos liwat si Mayor Bing, wala man siya ginkakas. Sang nag daog naman si anay Mayor Monico Puentevella, padayon siya sa pagka enforcer. Sang nagbulos liwat si Mayor Bing, na retain siya. Kag subong halin sa pula nga uniform, naka puti na siya. Na absorb man siya sa gihapon sa administrasyon ni Mayor Albee Benitez

Antes iya nangin traffic enforcer, treinta ka tuig man siya nga nag jeepney driver. Mga volunteers lang sila sadto nga naga bulig sa pag pahagan hagan sang traffic sa dalan tubtob personal siya nga nag apply. Proud siya nga ihambal nga wala siya nangita sang maninoy para maka trabaho sa gobyerno.

Istorya niya, sa edad nga 77 wala siya gina kapoy. Naga sige siya kay mas maluya lang siya kuno kun wala siya may gina himo.

Para sa iya, indi ka makapoy kun palangga mo ang gina himo mo.

Bisan pila na ka mga administrasyon ang nag nilabay, focus lang siya kuno sa gihapon sa trabaho. Kay man indi man pulitiko ang gina serbisyuhan niya kundi ang mga pumuluyo sa dalanon.

Secured By miniOrangeSecured By miniOrange