Bangud sa parkingan, tatlo ka mga persona ang naiguan sang bala sa pagpangtiro sang job order employee sa Osmeña Street, Barangay 2 sa banwa sang Hinigaran, Domingo sang aga.
Naigo sang bala si alyas “Maricel”, 37-anyos, si alyas “Ceasar”, 64-anyos, kag ang 7 ka tuig nga bata.
Nadakpan ang suspek nga ginkilala kay alyas “Chester”, 52-anyos, isa ka JO sa Municipal Water District.
Nagwa sa imbestigasyon sang Hinigaran PNP nga nag-ayo ang suspek nga idugon ang salakyan nga ginapanag-iyahan sang mga biktima nga nakapark sa higad sang dalan, agod maka-agi ang iya salakyan.
Apang nagluntad ang pagbinaisay tubtob nagkadto ang suspek sa iya salakyan, nagkuha sang pusil kag ginpangtiro ang mga biktima.
Nahibaluan nga mag-paryentihanay man lang ang mga imbulbado sa insidente.
Narekober sa crime scene ang pito ka fired cartridge cases sang .45 caliber ammunition.
Nakuha sa suspek ang isa ka caliber .45 pistol, duha ka magazines kag pito ka rounds sang mga bala.
Kaso nga frustrated homicide kag attempted homicide ang ipasaka batok sa suspek.
[sibwp_form id=1]