Shadow

3 nalumos sa separado nga mga insidente

Murcia PNP photo

Sang Sabado, patay ang 14 anyos nga si Jomae Hernaez kag ang 22 anyos nga si Jose Jerry Pamaloan nga nobyo sang iya magulang matapos pareho nga malumos sa suba sa Purok Tan-ag, Barangay Damsite sa banwa sang Murcia.

Sa imbestigasyon sang Murcia PNP, samtang nagapaligo, nadanlog sa bato si Hernaez kag gin dala sang makusog nga daludo sang tubig sa suba.

Sang makita ni Pamaloan ang natabo sa utod sang iya nobya, buligan niya kun tani ini ugaling pati siya ang gindala man sang makusog nga daludo sang tubig.

Yara na sa punta sang tunnel sang NEA dam nasapwan ang duha kag dead on arrival na sila pareho sang mag abot sa ospital.

Samtang sang Huwebes, napatay man sang malumos sa baybay sa bahin sang Barangay Canturay sa Sipalay City ang 37 anyos nga si Fedelito Ayencia.

Suno sa Sipalay PNP, na leg cramps si ayencia samtang naga langoy kabangdanan nga nabudlayan ini sa pag langoy kag siya ang nalumos na lang sa tunga sang dagat.

Secured By miniOrangeSecured By miniOrange