Tatlo ka mga empleyado sang Provincial Veterinary Office nga damlag pa gin-usisa matapos nga gin-reklamo nga nga nagabaton sang bayad para mapadasig ang release sang permits ang nag-resign.
Ini suno kay Negros Occidental Governor Eugenio Jose Lacson nga nagpahayag man nga iya ginbaton kag ginlagdaan ang ila nga resignation kahapon, Lunes nga adlaw.
Tubtob na lamang sila sa bulan sang Agosto.
Bangud sini indi na magpadayon pa ang pagpangusisa sa ila.
Wala na ginpatpat pa sang gobernador ang kaundan sang ila nga resignation letter, pero, suno sa iya, ila ginsiling nga “sorry” sila sa natabo.
“We will not continue to investigate… they resigned, but I can say this, they were sorry for what happened”, suno kay Lacson.
Ginpapanaugan sadto sang Provincial Legal Office sang show cause order ang tatlo ka empleyado para mag paathag sa reklamo batuk sa ila.
May complaint nga na forward sa Provincial Administrator’s Office naga naga siling nga ang mga natungdan naga demand sang bayad para sa RAS ukon Recognition of Active Surveillance may kaangtanan sa African Swine Fever.
Gin hinyo sang mga tag reklamo ang isa ka thorough and impartial investigation.
Ginsiling man sang mga tag-reklamo nga luyag nila mag pabilin anonymous.
