Isa ka pedestrian ang nabungguan samtang nagatabok sa Rizal-Lacson Street sa Bacolod, Lunes sang kaagahon.
Ang salakyan nga nakabunggo ang wala nagpondo kag nagpalagyo.
Suno sa mga saksi, isa ka puti nga Suzuki Carry ang nakabunggo kag nag-guyod sa 32-anyos nga lalaki nga taga Brgy. Estefania sa Bacolod.
Base sa report sang Traffic Enforcement Unit, yara sa malubha nga kahimtangan ang lalaki matapos makaangkon sang madamo nga pilas sa nagkalain-lain nga bahin sang iya lawas.
Samtang, nakuhaan sang closed-circuit television camera footages ang pagbunggo sang tricycle sa natu-o nga bahin sang SUV sa bahin sang Purok Santol exit kag Buri Road sa Barangay Mandalagan, Bacolod, mga las 9:16 sang Domingo sang aga.
Nagwa sa imbestigasyon nga bangud sang impact, napilasan ang 52-anyos nga driver, taga Brgy. Mandalagan kag ang 63-anyos nga pasahero sini.
Makita man sa video ang pagtabog kag pagsala sang ido nga upod man sakay sa tricycle.
[sibwp_form id=1]