Ginakasubo sang Philippine National Police ang pagtaliwan ni Police Master Sergeant Fernando Marfa nga na-assign sa Cadiz City Police Station.
Ginakabig nga baganihan si Marfa matapos siya ang nalumos samtang nagatinguha nga masalbar ang duha niya ka mga kaupdanan.
Nagpatigayon sang seaborne patrol ang kapulisan upod ang miyembro sang Bantay Dagat sa Sitio Bisang, Barangay Luna sa Cadiz City sang Biyernes, Agosto 7.
Samtang nagatabok sa suba, naanod sang mabaskog nga daludo sang tubig ang duha ka mga kaupdanan ni Marfa. Wala nagduha-duha si Marfa nga i-rescue ang mga ini, apang bangud sang mabaskog nga bulyada sang tubig, siya ang nagsarurot padalom.
Samtang, nagpasalig ang National Police Commission nga ila iga-facilitate ang pag-proseso kag pag-release sang mga benepisyo para sa nabilin nga pamilya ni Marfa.
[sibwp_form id=1]