Tatlo ka mga Obispo sa Negros ang naga pakamalaut sang suno sa ila unethical practices angut sa lihok nga pag amend sang constitution.
Nagapanawagan man sila sang kamatuoran kag transparency.
Sanday Bacolod Bishop Patricio Buzon, Louie Galbines sang Kabankalan kag Gerardo Alminaza sang San Carlos sa isa ka joint statement ang nagsiling nga yara na naman sa crossroads ang pungsod sa tunga sang ginaduso nga pag amend sang constitution kag malapnagon nga signature campaigan.
Kinahanglan suno sa ila ang transparency sa tunga sang gina duso nga People’s Initiative.
Ila ginsiling nga wala mahibaluan ang sa likod sini lakip na ang source sang fund rason nga indi madula ang pagpangduha-duha sa amo nga lihok kag kun bala matuod gid mannga People’s Initiative ini.
Gina pakamalaut man ang unethical practices sa pag tipon sang mga lagda.
Ang mga report suno sa ila kaangay sang pag gamit sang social assistance para maka kuha sang mga pirma ang maka tulublag.
Samtang, para kay Governor Eugenio Jose Lacson, kun may kasubong nga mga report ukon alegasyon, ini ang dapat nga mapamatud-an.
Si Lacson ang naga suporta sang pag amend sang economic provisions sang charter change ayhan paagi man sa People’s Initiative, Constitutional Convention ukon Constituent Assembly.