Masobra 180 ka mga CCTV units plano nga ipang-install sang Bacolod LGU agud mapasanyug ang kampanya para sa peace and order kag pagrespondi sa emerhensya.
Sini nga bulan sang Pebrero ginapaabot ni Mayor Albee Benitez nga matapos ang kontrata para sa construction sang Command Center nga itukod sa Barangay Taculing.
Upod sa unsolicited proposal sang proponent sang proyekto ang control center para sa masobra 180 ka mga cctv unit nga natalana iga-install sa mga kabarangayan sa siudad.
Suno kay City Legal Officer Atty. Romeo Carlos Ting, Jr., ang Drrmo ang magadumala sang command center.
Gani ginalauman nga mas mapasanyog ang kampanya sa peace and order lakip na sa pagrespondi sa emerhensya.
Sa bulig man sang mga cctv ginapaabot mapahagan hagan ang posible pagluntad sang krimen kabahin na diri ang kinawatay.
May P2B ang pondo para sa construction sang command center nga ipaagi sa joint venture agreement sa tunga sang siudad kag proponent sang proyekto.