Enrollment humalin sa Kindergarten padulong sa Senior High School sa idalom sang DepEd Negros Occidental Division, sa private kag public schools ang halos yara sa 280,000.
Sa quick count nga datus sang DepEd as of June 15, may 264,000 ka na enroll nga estudyante sa pampubliko nga eskwelahan suno kay Negros Occidental Schools Division Supt, Gladys Amylaine Sales.
15,936 naman ang naka enroll sa private schools.
Kun ipaanggid sa datus, sang nagligad nga school year suno kay Sales indi ini maglayo. Mga 280,000 ang nag pa enroll sang 2025-2026 nga school year.
Suno kay Sales ang trend nga namutikan nila karon amo nga declining ukon naga panubo ang kadamuon sang naga pa enroll. Mahimo dala man sang pag nubo sang population.
May strategy karon ang DepEd upod sa mga barangay.
Naga coordinate sila sa mga barangay para sa mga kabataan nga napaslawan maka balik eskwela.
Suno kay Sales ini sila ang gina pa locate kag gina engganyo nga mag balik sa klase kag kun may kabudlayan pa gid gina patuman na lamang ang alternative delivery mode of learning para mahaylo ang pag padayon sang pag eskwela sang kabataan.
Tubtob sa katapusan sang Hunyo ang pag baton sang late enrollees suno kay Sales.
“Indi ta na ka deny (enrollment) especially kun school age ang bata. Actually ang wala ga-enroll gina pangita gid na namon. May ara kami subong nga strategy nga mapabulig kami sa barangay tapos sila ang mapangita sang bata. Sila ang mangita kay bal-an man na nila ila contituents. Sila madul-ong sa school or pwede man I-arrange ang alternative delivery mode”, suno kay Sales.*
[sibwp_form id=1]