Isa na naman ka sunog ang natabo sa Barangay 10 sa Bacolod City Miyerkules sang gab-i. 25 tanan ka mga pamilya ang apektado.
Sa video nga kuha sang Chamber Volunteer Fire Brigade, makit-an ang naga daba-daba pa nga kalayo sa mga nasunog nga puluy-an sa Purok Magti-ayon sa Barangay 10 sa Bacolod mga las 9:40 sang kagab-i.
Sa report sang Bureau of Fire Protection isa ka persona ang pilason bangud sang sunog.
Anum ka mga balay ang na nasunog samtang lima naman ang partially damaged.
Ginasiling nga ang kalayo nagsugod sa balay sang pamilya Cristobal kag gina usisa pa kun ano gid ang ginhalinan sini.
Sa record naman sang Department of Social Services and Development sang Bacolod, 25 ka pamilya ang apektado ukon 43 ka indibidwal.
Sang nagligad lang nga bulan 20 man ka mga balay sa Barangay 10 sa Purok Tambipalad ang nasunog.*
[sibwp_form id=1]