May lima ka bag-o nga dengue related deaths sa Negros Occidental. Provincial Health Office sa karon ang naga patigayon sang dengue death review.
Sa record sang DOH Region 6, morbidity Week 32 ukon ang sa August 7-13, 2022, may lima ka new dengue deaths nga na record sa Negros Occidental.
Suno kay Dr Ernell Tumimbang, sa kabilugan, 22 ang dengue related deaths sa probinsya.
Ang dengue death review gina patigayon sa pag pat-od nga dengue gid man ang gintunaan sa dengue death record.
Ang suspected dengue death nalakip sa gina report.
May 218 new dengue cases naman sa amo nga semana ang Negros Occidental, pinakamataas sa rehiyon.
3,648 sa kabilugan ang dengue cases sang probinsya. Sa Western Visayas, nagdangat na sa 10,000 mark ang dengue cases.
Naga sunod sa Negros Occidental nga may mataas nga dengue new cases amo ang Iloilo city – 106 cases kag Iloilo Province – 99 cases.
Sa karon suno kay Tumimbang wala sa alert ukon epidemic threshold ang probinsya.