211 ka mga rice retailers sa Neg.Occ. nagbaton sang ayuda sa ikaduha nga payout sang DSWD kag DTI sa Bacolod City Government Center.
Nagapasalamat ang negosyante nga si Monina Tugalle sang makabaton sang P15,000 nga financial assistance halin sa DSWD kag DTI.
Suno sa iya las kwatro pa lg sang aga nagbyaje na sya halin sa banwa sang Binalbagan agud makakuha sang ayuda sa Bacolod City Government Center.
Suno kay DSWD 6 Assistant Regional Director for Operations Arwin Razo, may 211 ka mga rice retailers sa Negros Occidental nalakip na sa Bacolod ang ila target matagaan sang financial assistance sa ikaduha nga payout.
P40 milyones ang ginpain nga pondo sang DSWD para sa ayuda sang mga rice retailers sa Western Visayas sa pagpasiguro nga napatuman ang price ceiling sa bugas.
Ang DTI padayon man ang profiling sang mga rice retailers nga ilakip sa madasun nga payout.